ئیسرائیل هێرشی ئاسمانی دەکاتە سەر سووریا

ئاڤا نیوز

 

بەرەبەیانی ئەمڕۆ سوپای ئیسرائیل هێرشی ئاسمانی بۆ سەر ناوەڕاست و باشووری سووریا دەستپێکرد.

 

ڕاگەیێنراوی فەرمی: وەزارەتی بەرگری سوریا بڵاویکردەوە، لەگەڵ دەستپێکی هێرشەکانی ئیسرائیل بۆ سەر ئێران هاوکات هێرشی مووشەکی کردووەتە سەر ناوەڕاست و باشووری سووریا، لە ڕێگەی سیستمی بەرگری ئاسمانی وڵاتەکەمانەوە ژمارەیەک مووشەکی ئیسرائیلی خراونەتە خوارەوە.   

 

ئەوەی پێویستە بیزانیت: هەریەکە لە دیمەشق، ڕۆژئاوای شاری حومس، پارێزگای تەرتووس لە کەناراوەکانی سووریا، هەروەها خاڵێکی سوپای سووریا ئامانجی هێرشە ئاسمانییەکانی ئیسرائیل بوون،  

 

زانیاریی زیاتر: مووشەکەکانی ئیسرائیل لە بەرزاییەکانی جۆلان و لوبنان ئاراستەی سووریا کرابوون. 

 

باکگراوند: بە درێژایی ساڵانی ڕابردوو ئیسرائیل هێرشەکانی بۆسەر پێگەی گرووپەکانی سەر بە ئێران لە سووریا دەستپێکردووە، بەڵام لە 7ی ئۆکتۆبەرەوە، لەگەڵ دەستپێکردنی شەڕی غەززە، هێرشەکانی چڕتر کردووەتەوە.