بە ئامادەبوونی سەرۆک بارزانی و مەسرور بارزانی کۆنگرەی پزیشکی میزۆپۆتامیا لە هەولێر بەڕێوە دەچێت

ئاڤا نیوز

پێشنیوەڕۆی ئەمڕۆ پێنجشەممە بە ئامادەبوونی سەرۆک بارزانی و سەرۆکوەزیران مەسرور بارزانی، دەیەمین کۆنگرەی پزیشکی میزۆپۆتامیا لە هەولێر بەڕێوە دەچێت و بۆ ماوەی دوو ڕۆژ بەردەوام دەبێت.

 

زانیاریی بەدەستهاتوو: سەندیکای پزیشکانی کوردستان بەهەماهەنگی لەگەڵ دەستەی بەڕێوەبەرانی کۆنفرانسی میزۆپۆتامیا، بۆ ماوەی دوو ڕۆژ لە کۆنگرەی پزیشکیدا هەڵوەستە لەسەر 13 بواری جیاوازی پزیشکی دەکەن.

 

زانیاریی زیاتر: ئەو بوارانەی کە لەماوەی کۆنگرەکەدا قسە و باسی لەسەر دەکرێت پێکهاتوونە لە، دڵ و دەمار، هەناو، نەشتەرگەری گشتیی، ژنان، منداڵان، مێشک و دەمار، نەخۆشییە دەروونییەکان، نەخۆشییە ڕژێنە لیمفاوییەکان، قەڵەوی، تەندروستی گشتیی، چاندنەوەی ئەندامانی جەستە، ڕۆماتیزم، چاودێری چڕ و  شەکرە.