ئیسرائیل نەخۆشخانەی کەمال عەدوان بۆردوومان دەکات

ئاڤا نیوز

 

ئیسرائیل  هێرشی ئاسمانی دەکاتە سەر نەخۆشخانەی کەمال عەدوان و کۆگای دەرمانی نەخۆشخانەکە دەسووتێنێت. 

 

چی ڕوودەدات: ئەمڕۆ پێنجشەممە سوپای ئیسرائیل هێرشی ئاسمانی کردە سەر نەخۆشخانەی کەمال عەدوان لە باکووری کەرتی غەززە، بەهۆیەوە فرۆشگای دەرمان و  پێداویستییە پزیشکییەکان کە پێنج ڕۆژ لەمەوبەر لەلایەن ڕێکخراوی تەندروستی جیهانی بۆ نەخۆشخانەکە دابینکرابوون سووتا.

 

ڕاگەیێنراوی فەرمی: سەرچاوە پزیشکییەکان ڕایانگەیاند: خزمەتگوزاریی تەندروستی و نەشتەرگەری لە نەخۆشخانەکە بە تەواوی ڕاگیراوە.

 

لەلایەکی دیکەوە: وەزارەتی تەندروستی غەززە ڕایگەیاند: ژمارەی کوژراوانی بۆردومانەکانی ئیسرائیل بۆ سەر کەرتی غەززە گەیشتووەتە، 43  هەزار و  163 کەس، 101 هەزار و 510کەسیش بریندار بوون. 

 

زانیاریی زیاتر: ئیسرائیل هێرشەکانی بۆ سەر ناوچەکانی باکووری کەرتی غەززە چڕ کردووەتەوە،   زۆربەی نەخۆشخانەکان کارەکانیان بە تەواوی ڕاگیراوە و زۆربەیان وێران کراون.