هێرشەکانی ئیسرائیل بۆ سەر غەززە بەردەوامن

 ئاڤا نیوز 

 

زیاتر لە ساڵێکە ئیسرائیل ڕۆژانە بۆردوومان دەکاتە سەر کەرتی غەززە و بەهۆیەوە هەزاران هاووڵاتی گیانیان لەدەستداوە کە زۆرینەیان ژن و منداڵن، بە هەزارانی تریش بێ ماڵ و حاڵبوون و ئاوارەبوون.

 

وێنە گەورەکە: لە ئۆکتۆبەری 2023ـەوە هێرشەکانی ئیسرائیل بۆ سەر غەززە بەردەوامی هەیە، تا ئێستا زیاتر لە 43 هەزار کەس، کە زۆرینەیان ژن و منداڵن کوژراون. هاوکات نەک هەر هیچ ئاسۆیەک بۆ ئاگربەست  و ئاشتی بوونی نییە، بەڵکو شەڕەکە فراوانتریش بووە و لوبنانیشی گرتووەتەوە.

 

زانیاریی زیاتر: ئێستا ئیسرائیل ئاڕاستەی شەڕی بەرەو لوبنان گۆڕیوە و هێرشەکانی بۆ سەر ئەو ناوچەیەش چڕ کردووەتەوە بە ئامانجی لاوازکردنی ژێرخانی سەربازای حیزبوڵڵا.