لایەنە ئیسلامییەکان بەشداری لە حکومەتی داهاتوو ناکەن

ئاڤا نیوز

 

یەکگرتووی ئیسلامی و کۆمەڵی دادگەری 10 کورسییان لە هەڵبژاردنی خولی شەشەمی پەرلەمانی کوردستان بەدەستهێناوە، لە ئێستاوە هەڵوێستی خۆیان سەبارەت بە پێکهێنانی کابینەی دەیەم ئاشکرا کردووە و دەڵێن "بەشداری ناکەین"

 

وێنە گەورەکە: چوار لایەنی ئیسلامی لە پرۆسەی هەڵبژاردنی خولی شەشەمی پەرلەمانی کوردستان کێبڕکێی بەدەستهێنانی کورسییان دەکرد، کە لە (یەکگرتوو، کۆمەڵ، بزووتنەوەی ئیسلامی و بزووتنەوەی پەیوەندی ئیسلامی) پێکهاتبوون بەهەموویان نزیکەی 190 هەزار دەنگیان لە هەر چوار بازنەکە بەدەستهێنا و بەراورد بە خولی پێنجەم دوو کورسی کەمیانکردووە.

 

لێدوانی فەرمی: موسەننا ئەمین، ئە‌ندامی سە‌ركردایە‌تی یە‌كگرتووی ئیسلامی بە ئاڤا نیوزی گوت، "لەم قۆناغەی ئێستادا بەهیچ شێوازێک بەشداری لە حکومەت ناکەین و ئۆپۆزسیۆن دەبین."

 

لەلایەکی دیکەوە: شوان ڕابەر، ئەندامی ئەنجوومەنی باڵای کۆمەڵی دادگەری، بە ئاڤای ڕاگەیاند، "بەشداری لە پەرلەمان و حکومەتی داهاتوو ناکەین، پێشمان وایە پێکهێنانی حکومەت قورس دەبێت و بەشێکی لایەنەکان ئۆپۆزسیۆن دەبن."