ناوی کارمەندانی گرێبەست وەک 'بژمێر' بۆ سەرژمێری ڕادەگەیێنرێت

ئاڤا نیوز

 

نزیکەی 61 هەزار دەرچووی زانکۆ و پەیمانگەکان فۆرمی بوون بە 'بژمێر'ـیان لە پرۆسەی سەرژمێری گشتیی دانیشتووان پڕکردووەتەوە، دەستەی ئاماریش ناوی وەرگیراوەکان بڵاو دەکاتەوە.

 

ڕاگەیێنراوی فەرمی: دەستەی ئاماری هەرێمی کوردستان بڵاویکردەوە، "نزیکەی 61 هەزار دەرچووی زانکۆ و پەیمانگاکان بەشێوەی ئۆنلاین لەسەر ئاستی پارێزگا و ئیدارە سەربەخۆکان لە هەرێمی کوردستان فۆرمی بوون بە 'بژمێر'ـیان پڕکردبووەوە، لەم ژمارەیەش زیاتر لە 19 هەزار دەرچوو ناوەکانیان گەراوەتەوە، بژمێرەکانیش لەسەر بنەمای پێداویستی، شوێنی جوگرافی، قەرەبالغی دانیشتووان، شوێنی نیشتەجێبوونی خۆیان و لەسەر ئاستی گەرەک یان گوند دەستنیشانکراون.

 

ژمارەکان وا دەڵێن: ئەو ناوانەی کە دەرچوون، لەسەر ئاستی پارێزگا و ئیدارە سەربەخۆکان بەمشێوەیەن:

هەولێر: حەوت هەزار و 487 بژمێر
ئیدارەی سەربەخۆی سۆران: هەزار و 180 بژمێر.
سلێمانی: چوار هەزار و 625 بژمێر.
ئیدارەی سەربەخۆی ڕاپەڕین: هەزار و 304 بژمێر.
ئیدارەی سەربەخۆی گەرمیان: 869 بژمێر.
پارێزگای دهۆک: دوو هەزار و 906 بژمێر.
ئیدارەی سەربەخۆی زاخۆ: 706 بژمێر.

 

ئەمەش بزانە: ئەو کارمەندانەی ناوەکانیان دەرچووە، پێویستە دەستبەجێ پەیوەندنی بەشوێنەکانیان بکەن بۆ ئەوەی لە کاتی دیاریکراودا لە هۆڵەکانی راهێنان  ئامادەبن، لە ئەگەری ئامادەنەبوون لەکاتی دیاریکراودا ئەوا شوێنەکانیان بەدەرچووێکی تر پر دەکرێتەوە.

 

لەم لینکەوە ناوەکانتان بزانن: