سوودانی و شای ئوردن دۆخی سووریا و ناوچەکە تاوتوێ دەکەن

ئاڤا نیوز

محەممەد شیاع سوودانی، سەرۆکوەزیرانی عێراق لە پەیوەندییەکی تەلەفۆنیدا لەگەڵ شا عەبدوڵڵای ئوردن، گفتوگۆیان دەربارەی بارودۆخی سووریا و غەززە کرد و جەختیان لەسەر هەوڵە هاوبەشەکان بۆ ڕاگرتنی شەڕ و بەدیهێنانی ئاشتی کردەوە.

وێنە گەورەکە: عێراق و ئوردن وەک دوو وڵاتی دراوسێ کە سنوورێکی زۆریان لەگەڵ سووریا هەیە، بەهۆی سەرهەڵدانەوەی شەڕ و پێشڕەوییەکانی هێزەکانی ئۆپۆزیسیۆن لەو وڵاتە، ترسیان هەیە شەڕەکە فراوان بێت و پروشکی ئاگرەکەیان بەربکەوێت.

ڕاگەیێنراوی فەرمی: بەپێی نووسینگەکەی، محەممەد شیاع سوودانی جەختی لەسەر گرنگیی ئاسایشی سووریا  بۆ سەر سەقامگیریی عێراق و ناوچەکە کردووەتەوە و بەپێویستی زانیوە کار لەسەر ڕاگرنتی هێرشەکانی ئیسرائیل بۆ سەر غەززە بکرێت.