لە سووریا 14 کەس بەهۆی تەقینەوەی مین گیانیان لە دەست دا

ئاڤا نیوز

لە کاتی کۆکردنەوەی دوومەڵان لە شاری ڕەققە، مین بە چەند کەسێکدا دەتەقێتەوە و بەهۆیەوە 14 کەس گیان لە دەست دەدەن و ژمارەیەکیش بریندار دەبن.

لێدوانی فەرمی: ئاژانسی هەواڵی سووریا بڵاوی کردووەتەوە، مینی چێنراوی داعش لە ناوچەی ڕەققەی سووریا لە کاتی کۆکردنەوەی دوومەڵاندا  بە کۆمەڵێک کەسدا تەقیوەتەوە، بەهۆیەوە 14 هاووڵاتی مردوون و هەشتیش بریندار بوون، لە نێو قوربانییەکان ژنیش هەیە.

ئەوەی پێویستە بیزانیت: دوومەڵان خواردنێکی گرانبەهایە، دوومەڵانی بیابانی سووریاش یەکێکە لە باشترین دوومەڵانەکانی جیهان و بەناوبانگە، بەڵام بەهۆی مینە چێنراوەکانی داعش کۆکردنەوەی قورس و مەترسیدار بووە.