سەرۆکوەزیران مەسرور بارزانی سەردانی بەحرەین دەکات

ئاڤا نیوز

 

بەبانگهێشتی فەرمی سەرۆکوەزیران مەسرور بارزانی، بەرەو شانشینی بەحرەین بەڕێکەوت، بە ئامانجی پتەوکردنی پەیوەندییە دووقۆڵییەکانی نێوان هەرێمی کوردستان و بەحرەین، تاوتوێکردنی دوایین پێشهاتەکانی ناوچەکە و ڕۆژهەڵاتی ناوەڕاست.

 

وێنە گەورەکە: هەرێمی کوردستان و شانشینی بەحرەین لێکتێگەیشتن و کارنامەی ئابووری هاوبەشیان هەیە و چەند جارێک شاندی باڵای ئەو وڵاتە سەردانی سەرۆکوەزیرانی هەرێمی کوردستانیان کردووە و جەختییان لە فراوانکردنی پەیوەندییەکان کردووەتەوە.

 

ڕاگەیێنراوی فەرمی: بەگوێرەی ڕاگەیێنراوی فەرمی حکومەتی هەرێمی کوردستان، سەردانەکەی سەرۆکوەزیران مەسرور بارزانی بۆ مەنامەی پایتەختی بەحرەین بۆ ماوەی دوو ڕۆژ دەبێت، کۆمەڵێک ئامانج لەخۆ دەگرێت:-

ــ لەگەڵ بەرپرسانی باڵای بەحرەین کۆدەبێتەوە، گۆڕانکاری و پێشهاتەکانی سووریا تاوتوێ دەکرێن.
ــــ پەرەپێدان و بەهێزترکردنی پەیوەندییە نێودەوڵەتییەکانی هەرێمی کوردستان بەتایبەت وڵاتانی کەنداو.
ــ پتەوکردنی پەیوەندییە دووقۆڵییەکانی نێوان هەرێمی کوردستان و بەحرەین.

 

ئەمەش بزانە: ڕۆژی 23-05-2023 سەرۆکوەزیران مەسرور بارزانی، لە پەراوێزی کۆڕبەندی ئابووری جیهانیی داڤۆس، لەگەڵ شاندی شانشینی بەحرەین کۆبووەوە و تیشک خرایە سەر برەودان بە پەیوەندی دوولایەنە، بەتایبەتی لە بواری ئابووری و ئاڵوگۆڕی بازرگانی.