سوپای ڕووسیا لە ڕەقە دەکشێتەوە

ئاڤا نیوز

 

بەگوێرەی ڕوانگەی سووری بۆ مافەكانی مرۆڤ، هێزەكانی ڕووسیا لە هەردوو بنكەی عەین عیسا و تەل سەمن لە ناوچە دەشتاییەكانی ڕەقە كشاونەتەوە.

 

ڕاگەیێنراوی فەرمی: بەگوێرەی گرتە ڤیدیۆییەكانی ڕوانگەی سووری كە لە تۆڕە كۆمەڵایەتییەكان بڵاوی كردووەتەوە، هێزە سەربازییەكانی ڕووسیا سەرقاڵی كۆكردنەوەی كەلوپەلە سەربازی و لۆجستییەكانن، كاروانی ئۆتۆمبێلە سەربازییەكانیان لە هەردوو بنكەی عەین عیسا و تەل سەمن لە دەوروبەری شاری ڕەقە جێدەهێڵن.

 

ئەوەش بزانە: جگە لە ناوچە دەشتاییەكانی دەوروبەری ڕەقە، ڕووسیا بنكەی سەربازی لە كەناراوەكانی ڕۆژئاوای سووریا لەسەر دەریای سپیی ناوەڕاستیش هەیە و پێشتر وەزارەتی دەرەوەی ڕووسیا ڕایگەیاندبوو ئەو بنكانە هیچ هەڕەشەیەكی جدییان لەسەر نییە.

 

ئەوەی پێویستە بیزانیت: ڕووسیا بەر لە 8ـی دیسێمبەر پشتیوانی ڕاستەوخۆی لە ڕژێمی ڕووخاوی بەشار ئەسەد دەكرد و هاوكاری سەربازی و لۆجستی بۆ دابین دەكرد، تەنانەت دوای جێهشتنی حكومڕانیش هانای بۆ ئەو وڵاتە برد و ئێستا لە مۆسكۆ گیرساوەتەوە.