حووسییەکان: لە 10 ڕۆژدا 13 هێرشمان کردووەتە سەر ئیسرائیل

ئاڤا نیوز

 

حووسییەکانی یەمەن ڕایدەگەیێنن، لە ماوەی کەمتر لە دوو هەفتەدا 13 ئۆپەراسیۆنی سەربازییان کردووەتە  سەر ئیسرائیل کە زۆربەیان بۆ سەر تەلئەڤیڤ بوون.

 

ڕاگەیێنراوی فەرمی: وتەبێژی وەزارەتی بەرگریی حکومەتی حووسییەکان ڕایگەیاند: لە 19کانوونی دووەمەوە تا دوێنی شەممە 13 ئۆپەراسیۆنی سەربازییان لە دژی ئیسرائیل ئەنجامداوە، ئەمەش وەک بۆ پشتیوانییەک بۆ کەرتی غەززە کە زۆربەیان بۆسەر تەلئەڤیڤ بوون.

 

زانیاریی زیاتر: ڕۆژی پێنجشەممەی ڕابردوو، سوپای ئیسرائیل زنجیرەیەک هێرشی ئاسمانی کردە سەر فڕۆکەخانەی نێودەوڵەتیی سەنعا و بەندەری حودەیدە کە لەژێر کۆنترۆڵی حووسییەکانە، بەوهۆیەشەوە بووە هۆی کوژرانی  شەش کەس و  40 کەسی دیکەش برینداربوون.

 

باکگراوند: لە سەرەتایی هێرشەکانی ئیسرائیل بۆ سەر کەتی غەززە لە ساڵی ڕابردوودا، حووسییەکانی یەمەن وەک پشتیوانیی و هاوسۆزییەک بۆ کەرتی غەززە، بە فڕۆکەی بێ فڕۆکەوان و لە دەریای سوور هێرش دەکەنە سەر کەشتییە بارهەڵگرە بازرگانییەکانی  ئیسرائیل و هاوپەیمانەکانی.