شاندێکی باڵای ئۆکراینا لە دیمەشق لەگەڵ شەرع کۆدەبنەوە

ئاڤا نیوز

 

لە چوارچێوەی هەوڵەکان بۆ ئاسایکردنەوەی پەیوەندی وڵاتان لەگەڵ سووریا، ئەمڕۆ شاندێکی ئۆکراینا لەگەڵ ئەحمەد شەرع کۆبووەوە. 

 

وێنە گەورەکە: دوای کەوتنی دەسەڵاتی بەشار ئەسەد لە سووریا و گرتنە دەستی دەسەڵات لەلایەن هێزەکانی تەحریرولشام، وڵاتان دەستیان کردووە بە ئەنجامدانی پەیوەندی دیبلۆماسی لەگەڵ وڵاتەکە، ئۆکرایناش ئامادەیی دەربڕیووە بۆ دروستکردنی پەیوەندی لەگەڵ حکومەتی نوێی سووریا.

 

چیرۆکی سەرەکی: ئەمڕۆ ئەندری سیبیها، وەزیری دەرەوەی ئۆکراینا گەیشتە دیمەشق لەگەڵ ئەحمەد شەرع، بەرپرسی ئیدارەی نوێی سووریا کۆبووە و هەردوولا جەختیان لە هەماهەنگی نێوان کردەوە. 

 

لێدوانی فەرمی: ئەندری سیبیها، وەزیری دەرەوەی ئۆکراینا لە کۆنگرەیەکی ڕۆژنامەوانیدا ڕایگەیاند، ئۆکراینا هەوڵەکانی دەخاتەگەڕ بۆ هاوکاریی ئیدارەی نوێی سووریا لە بوارە جیاوازەکاندا. ئێمەش وەک سوورییەکان بەدەست سیستمە ستەمکارییەکانەوە دەناڵێنین.

 

لەلایەکی دیکەوە: هەینی ڕابردوو ئۆکراینا، یەکەم کاروانی هاوکاریی خۆراکی پێشکەش بە سووریا کرد کە پێکهاتبوو لە بڕی 500 تۆن دانەوێڵە. 

 

قووڵتر: ڕووسیا و ئۆکراینا ماوەی دوو ساڵە لە جەنگدان، هاوکات ڕووسیا هاوپەیمانێکی سەرەکی حکومەتی ئەسەد بوو، بەهۆیەوە شەرع جەختی کردەوە کە نایەوێت ڕووسیا بە شێوەیەک سووریا بەجێبهێڵێت کە هەندێک لایەن ئارەزووی بۆ دەکەن.