ئەمریکا وەڵامی لێدوانێکی ئەحمەد شەرع دەداتەوە

ئاڤا نیوز

 

ئەمریکا نیگەرانی دەردەبڕێت لەبەرامبەر لێدوانێکی ئەحمەد شەرع کە باسی لەوە کردووە هەڵبژاردنەکانی سووریا ڕەنگە چەند ساڵێکی دیکە بخایەنێت، دووپاتی دەکاتەوە پێویستە بە زووترین کات هەڵبژاردن لەو وڵاتە بکرێت.

 

چیرۆکی سەرەکی: دوای ئەوەی ئەحمەد شەرع، بەرپرسی ئیدارەیی نوێی سووریا سەبارەت بە هەڵبژاردنەکان ئاماژەی بەوەدا کە لەوانەیە پرۆسەی نووسینەوەی دەستووری نوێی سووریا، نزیکەی سێ ساڵ بخایەنێت هاوکات بۆ ئەنجامدانی هەڵبژاردنێكی تەندروست سووریا پێویستی بە چوار ساڵ هەیە، ئەمەش نیگەرانی ئەمریکای بەدواخۆیدا هێناوە. 

 

لێدوانی فەرمی: بەرپرسێکی ئەمریکی لەو بارەیەوە بە ئاژانسی زەناشناڵی ڕایگەیاند، '' ئەمریکا دەیەوێت بە زووترین کات هەڵبژاردن لە سووریا بکرێت، پێویستە هەڵبژاردنەکان ئازاد و دادپەروەرانە بێت و پێویستە ئەم مەرجانەش جێبەجێبکرێن''.

 

لەلایەکی دیکەوە: واشنتن بە وریاییەوە هەوڵدەدات پەیوەندییەکانی لەگەڵ سووریا نوێ بکاتەوە، هاوکات بەنیازە ڕێکخراوی تەحریرولشام لە لیستی تیرۆردا دەربهینێت، کە ئێستا ئیدارەی نوێی وڵاتەکە لەدەست ئەو هێزەدایە.