لە ئێران 50 چالاکوان بە تۆمەتی بانگەشە بۆ بایکۆتکردنی هەڵبژاردن دەستگیرکران

ئاڤا نیوز

 

لە پارێزگای ورمێ لە رۆژهەڵاتی کوردستان، 50 چالاکوان دەستگیرکران بە تۆمەتی ئەوەی لە تۆڕە کۆمەڵایەتییەکان داوایان لە خەڵک کردووە بەشداری هەڵبژاردن نەکەن.

 

چیرۆکی سەرەکی: ئێرانییەکان ڕۆژی هەینی دەچنە سەر سندووقەکانی دەنگدان و نوێنەری پەرلەمان، ئەندامانی ئەنجوومەنی شوورا و یاسادانان هەڵدەبژێرن.

 

لێدوانی فەرمی: "ڕەحیم جیهان بەخش، فەرماندەی پۆلیسی پارێزگای ورمێ لە رۆژهەڵاتی کوردستان هۆشداریداوە لەوەی، هەر بابەتێک لە تۆڕە کۆمەڵایەتییەکان لەسەر هەڵبژاردن بڵاو ببێتەوە و پشێوی دروست بکات، بەتاوان لە قەڵەمی دەدەین". ئاژانسی میهری ئێرانی بڵاویکردەوەتەوە.

 

لەلایەکی دیکەوە: پێشتر عەلی خامنەیی، ڕێبەری باڵای ئێران هۆشداری دابوو لە بەشدارینەکردنی خەڵک لە هەڵبژاردنەکان و پێیوایە، بەشداری فراوان لە هەڵبژاردنەکان یەکێکە لە بنەماکانی کارگێڕییەکی باش لە وڵاتدا.