تەنها لەم مانگەدا 54 کۆڵبەر لەلایەن ئێران کراونەتە ئامانج

ئاڤا نیوز

تەنها لەم مانگەدا نزیکەی 67 کۆڵبەر لە سنووری هەرێمی کوردستان کوژران و بریندار بوون، 54 لەوان لەڕێگەی تەقەی ڕاستەوخۆی هێزەکانی ئێرانەوە بووە.

بڵاوکراوەی فەرمی: بە پشتبەستن بە ئامارەکانی ڕێکخراوی مافی مرۆڤی هەنگاو، لە مانگی دووی ئەمساڵدا 67 کۆڵبەر لە سنوورەکانی کوردستان کوژراون یان بریندار بوون، 85٪ ی ڕووداوەکانیش بە تەقەی ڕاستەوخۆی هێزە چەکدارەکانی ئێران بووە. 

زانیاری زیاتر: هۆکاری گیانلەدەستدان و برینداربوونەکان بەمشێوەیە بووە: تەقەی ڕاستەوخۆ 57 کەس (سێ کوژراو و 54 بریندار)  لێدانی هێزە چەکدارەکان یەک کەس، ڕووداوەکانی دیکە بەهۆی بەربوونەوە لە شاخ، سەرمابردوویی، ڕووداوی هاتووچۆ بووە.

ئەمەش بزانە: زۆرترین قوربانی لە سنوورەکانی پارێزگای کرماشان تۆمارکراوە کە 36 ڕووداو بووە، ئەم ئامارە بەراورد لەگەڵ مانگی ڕابردوو کە 17 ڕووداو بوو، واتە 34٪ بەرز بووەتەوە.