بایدن: ئاوەدانکردنەوەی لۆس ئانجلس پێویستی بە دەیان ملیار دۆلارە

ئاڤا نیوز

 

جۆ بایدن، سەرۆکی ئەمریکا ڕایدەگەیێنێ، پرۆسەی ئاوەدانکردنەوەی لۆس ئانجلس بەهۆی ئەو ئاگرە گەورەیەی شارەکەی گرتووەتەوە پێویستی بە دەیان ملیار دۆلارە.

 

وێنە گەورەکە: لە ڕۆژی 7-1-2025، ئاگرێکی گەورە لە لۆس ئانجلسی کالیفۆرنیا کەوتووتەوە، تائێستاش بەهۆیەوە 24 کەس گیانیان لەدەستداوە و  12 هەزار باڵەخانە وێران بوون و زیانێکی زۆری ماددی بە ناوچەکە گەیاندووە، هاوکات تائێستاش نەتوانراوە ئاگرەکە کۆنتڕۆڵ بکرێت.

 

لێدوانی فەرمی: جۆ بایدن، سەرۆکی ئەمریکا ڕایگەیاند: "پرۆسەی ئاوەدانکردنەوەی لۆس ئانجلس پێویستی بە دەیان ملیار دۆلارە بەهۆی ئەو ئاگرە گەورانەی کە زیانیان بە ناوچەکە گەیاندووە." هاوکات بایدن کالیفۆرنیای بە "ناوچەی کارەساتەکان" ناساندووە.

 

ئەوەی پێشبینی دەکرێت: کەشناسیی ئەمریکا ڕایگەیاند، پێشبینی دەکرێت بەهۆی خێرایی با تا ڕۆژی چوارشەممە نەتوانرێت  ئاگرەکە کۆنترۆڵ بکرێت. وەک کەشناسیی ئاماژەی بۆ دەکات لێکۆڵینەوە لە هۆکاری ئاگر کەوتنەوەکە بەردەوامە.