ئەمریکا: هیچ پلانێک بۆ کشانەوەی هێزەکانمان لە عێراق نییە

ئاڤا نیوز

 

ئەمریکا ڕەتی دەکاتەوە هیچ پلانێک بۆ کشانەوەی هێزەکانیان لە عێراق هەبێت و نێردەی ئەو وڵاتەش بۆ هاوپەیمانیی دژی داعش دەڵێت، گفتوگۆی بەردەوام بۆ ڕازیکردنی عێراق هەیە بەمەبەستی پێویستی بەردەوامبوونی هاوپەیمانێتییەکە.

 

بۆچی گرنگە: بەهۆی گفتوگۆی حکومەتی عێراقەوە بۆ چوونەدەرەوەی هێزەکانی هاوپەیمانان، هێرشی گرووپە چەکدارەکان بۆ سەر بنکەکانی ئەمریکا وەستێنراون. 

 

لێدوانی فەرمی: ئیان مەکاری، نێردەی ئەمریکا بۆ هاوپەیمانیی نێودەوڵەتیی دژی داعش بە کەناڵی حورەی ڕاگەیاندووە، عێراق لە دامەزرێنەرانی هاوپەیمانی نێودەوڵەتییە و ڕۆڵی سەرەکی تێدا دەگێڕێت، ئێستا گفتوگۆی دوو قۆڵی لەگەڵ عێراق هەیە بەمەبەستی دامەزراندنی چوارچێوەیەکی هەمیشەیی بۆ هاوکاریی ئەمنیی نێوان هەردوو وڵات. 

 

زانیاریی زیاتر: بە گشتی دیدگایەکی هاوبەش لە نێوان هەردوولادا هەیە سەبارەت بە پێویستی درێژەدان بە ئۆپەراسیۆنەکانی دژ بە داعش، ئێستا هیچ پلانێک بۆ کشانەوەی هێزەکانی ئەمریکا لە عێراق نییە.