حەماس چوار بارمتەی دیکەی ئیسرائیلی ئازاد دەکات

ئاڤا نیوز

حەماس ڕایگەیاند لە چوارچێوەی ڕێککەوتنی ئاگربەستی غەززە چوار بارمتەی دیکە ئازاد دەکات. 

ئەوەی پێویستە بیزانیت: حەماس پێشتر لیستی ناوی بارمتەکانی ئاشکرا کردووە کە ئازادیان دەکات، بە گوێرەی زانیارییەکان هەر چواریان ژنن، دوویان سەرباز و دووی دیکەشیان مەدەنین.

ئەوەی پێوشبینی دەکرێت: بە گوێرەی زانیارییەکان، چاوەڕێ دەکرێت ڕۆژی شەممە، 25-1-2025 بارمتەکان ئازاد بکرێن و لە بەرامبەریشیاندا نزیکەی 180 بەندکراوی ژنی فەلەستینی ئازاد بکرێن.

زانیاریی زیاتر: بڕیارە لەگەڵ کشانەوەی زیاتری هێزەکانی ئیسرائیل ژمارەیەکی زیاتر لە ئاوارەکانی کەرتی غەززە بۆ ناوچەکانی باکووری کەرتەکە بگەڕێنەوە. 

ئەمەش بزانە: جگە لە ئاڵوگۆڕی بارمتە و دەستگیرکراوەکان، بڕیارە حەماس زانیاریی دیکە سەبارەت بەو بارمتانەی کە بڕیارە لە ماوەی شەش هەفتەی یەکەمی ئاگربەستدا ئازاد بکرێن، بداتە ئیسرائیل.