هۆشدارییەک لە ڕێباز حەملانەوە: ناکرێت ژیانی مووچەخۆرانی کوردستان خراپ بێت

بزنس
28 کانوونی دووەم

شەیری بکە لە:

هۆشدارییەک لە ڕێباز حەملانەوە: ناکرێت ژیانی مووچەخۆرانی کوردستان خراپ بێت

قاسم ئەعرەجی و ڕێباز حەملان

ئاڤا نیوز

ڕێباز حەملان لەبارەی مووچە پەیامێکی تایبەت دەداتە ڕاوێژکاری ئاسایشی نەتەوەیی عێراق و هۆشداری دەدات لەوەی؛ سەقامگیری ژیانی خەڵک بەشێکی گرنگی سەقامگیری ئاسایشی نیشتیمانی لێ دێتە بەرهەم و، ناکرێت ژیانی مووچەخۆرانی هەرێمی کوردستان لە دۆخێکی خراپدا بێت.

چیرۆکی سەرەکی: دوای کۆبوونەوە لەگەڵ سوودانی و گەیاندنی پەیامی سەرۆکوەزیران مەسرور بارزانی و حکومەتی هەرێمی کوردستان پێی، هەر ئەمڕۆ ڕێباز حەملان، بریکاری وەزارەتی دارایی عێراق سەردانی قاسم ئەعرەجی، ڕاوێژکاری ئاسایشی نەتەوەیی عێراقی کرد.

ڕاگەیێنراوی فەرمی: بەپێی ڕاگەیێنراوێکی نووسینگەی ڕێباز حەملان، لە کۆبوونەوەکەدا لەسەر پرسی مووچە و دۆخی دارایی و دۆخی سیاسی و ئاسایشی نیشتمانیی عێراق و ناوچەکە و ئاڵنگارییەکان گفتوگۆیان کردووە:

٠ لەبارەی بارودۆخی دارایی هەرێمی کوردستان و مووچەی مووچەخۆران ڕێباز حەملان داوای پشتیوانی لە قاسم ئەعرەجی کردووە.

٠ ئاماژەی بەوەش کردووە سەقامگیری ژیانی خەڵک بەشێکی گرنگی سەقامگیری ئاسایشی نیشتیمانی لێ دێتە بەرهەم.

٠ هەرێمی کوردستان و حکومەتی هەرێم بەردەوام هەماهەنگ و بەشداری سەرەکی بوون لە فەراهەمکردنی ئاسایش و ئارامی بۆ هاونیشتمانیان و خاکی عێراق.

٠ ناکرێ مووچە و ژیانی بەشێکی مووچەخۆرانی عێراق لە هەرێمی کوردستان لە دۆخێکی خراپدا بێت کە مافی دەستووری و یاسایی خۆیانە مووچە لەکاتی خۆی وەربگرن، وەک هەر مووچەخۆرێکی دیکە لە بەشەکانی تری عێراق.