عێراقچی: هێرشکردنە سەر دامەزراوە ئەتۆمییەکانمان گەورەترین هەڵە دەبێت ئەمریکا بیکات

ئاڤا نیوز

 

وەزیری دەرەوەی ئێران ڕایدەگەیێنێت، هێرشی ئیسرائیل و ئەمریکا بۆ سەر دامەزراوە ئەتۆمییەکانی ئێران یەکێک لە "هەڵە گەورەکان" دەبێت.

 

لێدوانی فەرمی: عەباس عێراقچی، وەزیری دەرەوەی ئێران لە چاوپێکەوتنێکدا ڕایگەیاند، ئەگەر هێرش بکرێتە سەر دامەزراوە ئەتۆمییەکانی ئێران، دەستبەجێ و بێ بیر کردنەوە وەڵام دەدرێنەوە.

 

ئەوەی پێویسە بیزانیت: عێراقچی ئاماژەی بۆ ئەوە کرد هێرشێکی لەو جۆرە دەبێتە هۆی دروستبوونی شەڕێکی هەمەلایەنە لە ناوچەکەدا و یەکێک دەبێت لە "گەورەترین هەڵە مێژووییەکان". ئەو دەڵێت، تاران جەنگی ناوێت بەڵام بە تەواوی ئامادەی ڕووبەڕووبوونەوەیە.

 

زانیاریی زیاتر: عەباس عێراقچی، وەزیری دەرەوەی ئێران کشانەوەی واشنتن لە ڕێککەوتنی ئەتۆمی لە ساڵی 2018 و کوشتنی قاسم سولەیمانی، فەرماندەی سوپای قودس، بە هۆکاری زیاتر ئاڵۆزکردنی دۆخەکە ناوبرد. لەبارەی پەیوەندییەکانی نێوان ئەمریکا و ئێرانیشەوە، عێراقچی دەڵێت، "مێژووی پەیوەندییەکانی ئێران و ئەمریکا پڕە لە دوژمنایەتی و بێ متمانەیی".