ئێران دوو جۆر فرۆکەی نوێی شەڕکەر دروستدەکات

ئاڤا نیوز

 

ژەنەڕاڵێکی سوپای ئێران دەڵێت، هێزەکانیان ئامادەن بۆ هەر مەترسییەک بۆ سەر وڵاتەکەیان و بەم نزیکانەش هێزی ئاسمانی ئێران پەردە لەسەر دوو دەستکەووتی نوێ لادەبات.

 

وێنە گەورەکە: لەمیانی سەردانێکیدا بۆ بنکەیەکی ئاسمانی لە شاری بیرجەند لە ڕۆژهەڵاتی ئێران، ژەنەراڵ حەمید وەحیدی، ئاماژەی بەوەدا کە هێزی ئاسمانی ئێران بە سیستەم و تەکنەلۆژیای جیهانی بنیاتنراوە و هێزەکانیان ئامادەن بۆ هەر مەترسییەک بۆ سەر وڵاتەکەیان.

 

ئەوەی پێویستە بیزانیت: جگە لە فرۆکەی قاهر (فەتحکەر) کە لە کانوونی دووەمی 2024 تاقیکرایەوە و پێشکەووتنەکانی فرۆکەکە ئومێد بەخشن بۆ هیزی ئاسمانی وڵاتەکە، وەحیدی ئەوەی نەشاردووەتەوە کە وڵاتەکەی بەم نزیکانە دوو فرۆکەی دیکەی نوێ دەخاتە خزمەتی هێزی سەربازی وڵاتەکەی.

 

بابەتە ستراتیژییەکە: دوای پاشەکشەی ئێران لە لوبنان و سووریا، وە هێرشی بەردەوام بۆ سەر چەکدارە حوسییەکان لە یەمەن، ترسی ئەو وڵاتە لە هێرشی راستەوخۆی ئیسرائیل و وڵاتانی هاوپەیمانی بەشێوەیەکی راستەوخۆ بۆ سەر وڵاتەکەی لە زیادبوون دایە، ئێران هەوڵدەدات هێزەکانی خۆی تۆکمە بکات و ئامادەیی وەڵامدانەوەی خێرای هەر مەترسی و هێرشێکی لەناکاوی هەبێت.