لە ئێران شەش ژنە چالاکوانی کورد دەستگیر دەکرێن

ئاڤا نیوز 

 

بەگوێرەی ئامارەكانی ڕێكخراوی مافی مرۆڤی هەنگاو، لە ماوەی مانگێكدا لانیكەم 20 خانمە چالاكوان لە ناوچە جیاجیاکانی ئێران دەستگیركراون كە شەشیان چالاكوانی كوردن و سێ خانمیش لەلایەن دەزگای دادوەریی ئەو وڵاتەوە سزای بەندكردنیان بەسەردا سەپێندراوە.

 

وێنە گەورەكە: دەستگیركردنی چالاکوانانی مەدەنی بەشێوەیەكی گشتی و خانمە چالاکوانەکان بەتایبەتی لە ئێران بووەتە دیاردە، ژمارە و داتاكان دەڵێن تا دێت دیاردەكە ڕوو لە هەڵكشانە و بەشێكی زۆر لەو خانمانەی دەستگیر دەكرێن هیچ پاساو و بەهانەیەکی یاسایی نییە بۆ بەندكردنیان.

 

ڕاگەیێنراوی فەرمی: ڕێكخراوی مافی مرۆڤی هەنگاو كە گرنگی بە ڕەوشی مافی مرۆڤ دەدات لە ئێران، لە ئامارێكدا بەپشت بەستن بەو زانیارییانەی لە ناوەندیی ئامار و بەڵگەنامەكان دەستی دەكەوێت، بڵاویكردووەتەوە، لە ماوەی مانگێكدا لانیكەم 20 خانمە چالاكوان دەستبەسەركراون و سێ ژنە چالاكیش لەلایەن دەسەڵاتی دادوەرییەوە حوكم دراون، هاوكات 18 حاڵەتی ژنكوشتن لە ناوچە جیاجیاکانی ئێران تۆماركراون.

 

زانیاریی زیاتر: دەسەڵاتی دادوەریی ئێران سێ خانمی چالاكوانی بە سزای 12 ساڵ و شەش مانگ بەندكردن سزادراوە، یەكێك لە بەندكراوەکان ناوی غەزەل مەرزبانە و جگە لە سزای بەندکردن 74 جەڵدی قامچی لێدراوە.