ئاسایشی هەولێر تۆمەتبارێكی كوشتنی دایك و كوڕەكەی بەغدا دەستگیر دەكات

ئاڤا نیوز

بەڕێوەبەرایەتیی ئاسایشی هەولێر، یەكێك لەو تۆمەتبارانە دەستگیر دەكات كە مانگی ڕابردوو دایك و كوڕێكیان لە شاری بەغدا كوشت.

چیرۆكی سەرەكی: ڕێکەوتی 2025-01-07، دوو تۆمەتبار  لە شاری بەغدا دایک و کوڕێکیان بە ناوەکانی عەلی سەعدی علوش و ساميه عبدوڵڵا جەعفەر كوشت و تەرمەکانیان سووتاند و هەڵیاندایە نێو ڕووبارێك و دووسەد هەزار دۆلاریان برد، پاشان دادگەی كەرخ لە بەغدا فەرمانی دەستگیركردنی بۆ هەردوو تۆمەتبارەكە دەركرد.

ڕاگەیێنراوی فەرمی: ئاسایشی هەولێر ڕایگەیاند: دوای ئەنجامدانی تاوانەکە یەکێک لە تۆمەتبارەکان بە ناوی (ع ،ح ،أ) هەڵهات بۆ شاری هەولێر، لە لایەن تیمەکانمانەوە شوێنی خۆحەشاردانی لە شاری هەولێر دەستنیشان کرا و بە فەرمانی دادوەری لێکۆڵینەوەی ئاسایشی هەولێر دەستگیرمان کرد.

زانیاریی زیاتر: بەپێی ناوەڕۆكی ڕاگەیێنراوەكەی ئاسایشی هەولێر، تۆمەتباری یەكەمی ڕووداوەكە لە شاری بەغدا خۆی حەشارداوە و تاوەكو ئێستا دەستگیر نەكراوە.