کۆریای باکوور یەکەم هەڵوێستی خۆی لەسەر پلانی ترەمپ بۆ کەرتی غەززە دەردەبڕێت

 

ئاڤا نیوز

کۆریای باکوور بۆ یەکەم جار هەڵوێستی خۆی سەبارەت بە پێشنیازی ترەمپ بۆ کۆنتڕۆڵکردنی کەرتی ‌غەززە لەلایەن ئەمریکا و کۆچپێکردنی هاووڵاتیانی دەڕبری.

وێنەگەورەکە: ئەمڕۆ چوارشەممە، کۆریای باکوور پلانی دۆناڵد ترەمپ، سەرۆکی ویلایەتە یەکگرتووەکانی ئەمریکای بۆ کۆنترۆڵکردنەوەی غەززە و ئاوارەبوونی فەلەستینییەکان لەو خاکە ئیدانە کرد و بە گاڵتەجاڕانە وەسفی کرد و واشنتۆنی بە هەراسانکردنی خەڵکی غەززە تۆمەتبار کرد.

زانیاری بەدەستهاتوو: ئاژانسی فەرمی کۆریای باکوور لە هەواڵێکدا بڵاویکردەوە، سیاسەتەکانی ئەمریکا کاریگەری نەرێنی لەسەر جیهان دروستکردەوە و پێشنیازەکانی سەبارەت بە غەززە ئیدانە دەکەین، هاوکات کۆریای باکوور ڕەخنەی لە ئیدارەی ترەمپ گرتووە سەبارەت بە هەوڵەکانی بۆ کۆنترۆڵکردنی کەناڵی پەنەما و گرینلاند، گۆڕینی ناوی "کەنداوەی مەکسیک" بۆ "کەنداوەکانی ئەمریکا".

ئەمەش بزانە: لە کاتی شەڕی غەززە، کۆریای باکوور بە توندی ڕەخنەی لەئیسرائیل گرتووە بە بەرپرسیاری دۆخی کارەستباری غەززەی داناوە و  واشنتۆنی بە هاوبەشی ئیسرائیل ناساندووە.