ئەمریکا: هاوکارییەکانمان بۆ کەمپی هۆل و ڕۆژ ڕادەگرین

ئاڤا نیوز

دۆرزی شیا، جێگری نوێنەری ئەمریکا لە نەتەوەیەکگرتووەکان ڕایگەیاند، هاوکارییەکانی ئەمریکا بۆ بەڕێوبردن و پاراستنی کەمپەکانی ڕۆژئاوای کوردستان بۆ هەمیشە بەردەوام نابێت کە چەکدارانی داعش و خێزانەکانیان تێیدا زیندانیکراون.

وێنە گەورەکە: لە چوارچێوەی سیاسەتی نوێی دۆناڵد ترەمپ، سەرۆکی ئەمریکا، ئەو وڵاتە هاوکارییە نێودەوڵەتییەکانی بە ڕادەیەکی زۆر ڕاگرتووە کە لە ساڵی 2024 بودجەکەی 34 ملیار دۆلار بووە.

لێدوانی فەرمی: دۆرزی شیا، لە ئەنجوومەنی ئاسایش ڕایگەیاند:

-هاوکارییەکانی ئەمریکا بۆ بەڕێوبردن و پاراستنی کەمپەکانی ڕۆژئاوای کوردستان (هۆڵ و ڕۆژ) بۆ هەمیشە بەردەوام نابێت کە چەکدارانی داعش و خێزانەکانیان تێیدا زیندانیکراون.

- ئەمریکا بۆ ماوەیەکی زۆر ئەم بارگرانییەی لە ئەستۆ گرتووە. لە کۆتاییدا کەمپەکان لە ژێر بەرپرسیارێتی دارایی ڕاستەوخۆی ئەمریکا نامێننەوە.

- بەردەوام داوا دەکەین وڵاتان بە خێرایی ئەو هاووڵاتییە ئاوارە و دەستبەسەرکراوانەی خۆیان کە لە ناوچەکەدا ماونەتەوە، بگەڕێننەوە بۆ وڵاتەکانیان.

ئەوەی پێویستە بیزانیت: حکومەتی عێراق زیاتر لە 10 هەزار هاوڵاتی خۆی کە لە کەمپی هۆلدا ڕاگیرابوون گەڕاندووەتەوە بۆ عێراق و هاوکات ئێستا 16 هەزار هاوڵاتی سووری لە کەمپەکەدا ماون.

باکگراوەند: کەمپی هۆل و ڕۆژ دەکەونە ڕۆژئاوای کوردستان و بە نزیکەی 42 هەزار و 500 کەسی تێدایە کە بریتین لە چەکدارانی داعش و خێزانەکانیان و لەلایەن هێزەکانی سووریای دیموکرات (هەسەدە) دەپارێزرێن.