ئاڤا ڕێککەوتنی هەولێر و بەغدا لەسەر داهاتی ناوخۆ ئاشکرا دەکات

ئاڤا نیوز

بەپێی ڕێککەوتنی هەولێر و بەغدا، ئەمساڵ هەرێمی کوردستان تەواوی داهاتی نانەوتی بۆ بەغدا نانێرێت، بەڵکو تەنیا 50%ی داهاتی باج و گومرگ دەنێرێت.

وێنە گەورەکە: ڕادەستکردنی 50%ی داهاتی نانەوتی ناوخۆی هەرێمی کوردستان بە بەغدا، یەکێکە لە خاڵەکانی ڕێککەوتنی ئەمساڵ بۆ ناردنی مووچەی، چوارشەممەی ڕابردووش بڕی 51 ملیار و 895 ملیۆن دینار وەکو داهاتی مانگی یەک بۆ بەغدا نێردرا.

پرسیاری سەرەکی: ساڵی ڕابردوو هەرێمی کوردستان مانگانە 80 بۆ 100 ملیار دیناری بۆ بە بەغدا دەنارد، بەڵام بەغدا هەمیشە بیانووی دەگرت و بەو بڕە ڕازی نەبوو، ئاڤا بەدواداچوونی بۆ ئەم بابەتە کرد، ئایا ئەمە نابێتە گرفت بۆ ناردنی مووچەی مانگی دوو؟

بەدواداچوونی تایبەت: ئاڤا دڵنیاکرایەوە لەوەی هەولێر و بەغدا ڕێککەوتوون  هەرێمی کوردستان مانگانە 50%ی تەواوی داهاتی نانەوتی نەنێرێت، بەڵکو تەنیا 50%ی داهاتی باج و گومرگ بنێرێت، واتە ڕێککەوتنەکە هاوشێوەی ڕێککەوتنەکانی ساڵی ڕابردوو نییە کە 50%ی کۆی داهاتی نانەوتی بۆ بەغدا بنێرێت. بەمپێیەش لەسەر داهاتی ناوخۆ هیچ گرفتێک بۆ مووچەی مانگی دوو دروست نابێت.