کوردێک دوای 28 ساڵ لە ئەفریقاوە گەڕایەوە کوردستان

ئاڤا نیوز

کوردێکی خەڵکی ڕانیە ماوەی 28 ساڵە بە مەبەستی چوونی بۆ ئەوروپا لە کەس و کارەکەی دوورە و لە ئۆگەندا زیندانی کرابوو، دوای ئەو ماوە زۆرە بەرەبەیانی ئەمڕۆ گەڕایەوە ناو کەس و کاری و خێزانەکەی.

چیرۆکی سەرەکی: سەیفوڵڵا حسێن، ئەو کوردەی کە ماوەی 28 ساڵە لە ئەفریقا گیری خواردووە، کاتژمێر سێی بەرەبەیانی ئەمڕۆ لە ڕێگەی فڕۆکەخانەی سلێمانییەوە گەڕایەوە کوردستان، کەسوکار و خزموکەسی لە پیشوازیدا بوون.

لێدوانی فەرمی: سەیفوڵڵا بەشداری لە هەواڵەکانی کاتژمێر نۆی ئەم بەیانییەی ئاڤا کرد و چەند نهێنییەکی ئاشکرا کرد، ئەوەی لە هەمووی سەرنجڕاکێش تر بوو، چیرۆکی ژنهێنانەکەی و زیندانیکردنی بوو لە ئەفریقا کە لە هەمان کاتدا و لەو ساڵەدا عەبدوڵڵا ئۆجەلانی ڕێبەری پەکەکە دەستگیر کرابوو، ئەمەش کەیسەکەی سەیفوڵڵای قورستر کردبوو چونکە کورد بوو، لە تیکتۆکیش براکەی فۆڵۆی کردووە، بەڵام بەبێ ئەوەی کەسیان بەیەکتری بزانن.