پاپا فرانسیس دەستلەکاردەکێشێتەوە

ئاڤا نیوز

سەرۆکی پێشووی بەشی کاروباری ڕۆشنبیری ڤاتیکان دەڵێت، پاپا فرانسیس بەهۆی خراپی تەندروستییەوە لەوانەیە دەستلەکار بکێشێتەوە.

وێنە گەورەکە: دوای نەخۆشکەوتنی بەهۆی هەوکردنی سییەکانییەوە پاپا فرانسیس گواسترایەوە بۆ نەخۆشخانەی گێمێلی لە ڕۆما، ئێستا تەندروستی بەرەو خراپتربوون ڕۆیشتووە، بۆیە میدیاکان باس لە ئەگەری دەستلەکارکێشانەوەی دەکەن.

ڕاگەیێنراوی فەرمی: کاردینال جیانفرانکۆ راڤاسی، سەرۆکی پێشووی بەشی کاروباری ڕۆشنبیری ڤاتیکان ئەو ئەگەرەی خستەڕوو،

- پاپای تەمەن 88 ساڵ شەشەم ڕۆژی لە نەخۆشخانە بەسەر برد و تووشی هەوکردنی سییەکان بووە.

- پاپا هەمیشە یەکلاکەرەوە بووە و ئاماژەی بەوەدا کە ئەگەر تەندروستی توانای جێبەجێکردنی ئەرکەکانی سنووردار بکات، لەوانەیە خۆبەخشانە دەست لە پۆستی سەرۆکایەتیی کڵێسای کاسۆلیکی بکێشێتەوە.

- پاپا فرانسیس ئێستا لەگەڵ نەخۆشییەکەی لە شەڕدایە، بەڵام ئەگەر چیتر نەتوانێت بە شێوەیەکی دەستبەجێ و ڕوون و یەکلاکەرەوە پەیوەندی بکات،  لەوانەیە بیر لە دەست لەکارکێشانەوەی بکاتەوە.

زانیاریی زیاتر: پاپا فرانسیس لە تەمەنی گەنجیدا بەشێک لە سییەکانی لابرد و دوو ساڵ لەمەوبەر لە نەخۆشخانە ڕزگاری بوو. هەروەها پاپا لە ساڵی 2023 لە نەشتەرگەرییەکدا لە نەخۆشخانەی گێمێلی بەشێک لە کۆلۆنی لابرد.