خانەنشینبوونی پزیشک و کارمەندان گرفت بۆ تەندروستی سلێمانی دروست دەکات

 

ئاڤا نیوز

خانەنشینبوونی ژمارەیەکی زۆری پزیشک و کارمەندی تەندروستی لە سلێمانی، گرفت بۆ ئەو کەرتە لە شارەکە دروست دەکات و سەرۆکی سەندیکای کارمەندانی تەندروستی دەڵیت: وا بڕوات نەخۆشخانەکان بە تەواوی پەکیان دەکەوێت.

چیرۆکی سەرەکی: بەپێی یاسای خانەنشینی یەکگرتووی عێراق، زیاتر لە دوو هەزار و 500 پزیشک و کارمەندی تەندروستی خانەنشین دەبن، لەو ژمارەیەش پشکی شێر بەر پارێزگای سلێمانی دەکەوێت بە خانەنشین بوونی 70 پزیشک و 890 کارمەندی تەندروستی لە ئەگەری پڕنەکردنەوەی شوێنیان کەرتی تەندروستی لە شارەکە گرفتی کەمی کارمەندی بۆ دروست دەبێت.

لێدوانی فەرمی: هاوژین عوسمان، سەرۆکی سەندیکای کارمەندانی تەندروستی دەڵیت: خانەنشینبوونی پزیشکان و کارمەندانی تەندروستی لە هەرێمی کوردستان و بە تایبەت سلێمانی وای لە وەزارەتی تەندروستی هەرێمی کوردستان کردووە بیر لە دەرچەیەکی گونجاو بکەنەوە بۆ پڕکردنەوەی شوێنی پزیشک و کارمەندان، بۆیە بە جدی کار لەسەر چارەسەرێکی گونجاو دەکەن لەگەل بەغدا.

باکگراوند: لە هەرێمی کوردستان بەپێی یاسای خانەنشینی یەکگرتووی عێراق زیاتر لە 2500 پزیشک و کارمەندی تەندروستی بەیەکەوە خانەنشین دەبن و لەو ژمارەیەش پشکی شێر بەر پارێزگای سلێمانی دەکەوێت بە خانەنشین بوونی 70 پزیشک و 890 کارمەندی تەندروستی.