لە عێراق دابڕانی قوتابیان لەخوێندن زیادی کردووە

 

ئاڤا نیوز

وەزارەتی پەروەردەی عێراق ئاشکرایکرد، ساڵانە ژمارەیەك لە قوتابیان لە خوێندن دادەبڕێن و بۆ ئەمساڵیش ڕێژەی ئەو قوتابیانەی وازیان لە خوێندن هێناوە لە هەڵكشاندایە.

هۆكاره‌ زانراوه‌كان: بەگوێرەی چاودێرانی کاروباری کۆمەڵایەتی هۆكاری وازهێنانی قوتابییان بە پلە یەك ئابوورییە، چونکە بەرزبوونەوەی ڕێژەی هەژاری و گرانیی و تێچووی خوێندن خێزانە هەژارەکان ناچار دەکات منداڵەکانیان لە قوتابخانە دەربهێنن و پەنا بۆ کار ببەن، ئەمە جگە لە کارانەکردنی یاسای خوێندنی ناچاری.

لێدوانی فەرمی: ئیبراهیم نامیس جبووری، وەزیری پەروەردەی عێراق ڕایگەیاند: لەکاتێکدا پلانی گەڕاندنەوەی ئەو قوتابییانەی كە لە خوێندن دابڕاون بەردەوامە، دابڕانی قوتابییانی دیکە لە خوێندن لە قوتابخانە حکومییەکاندا زیادی کردووە.

باکگراوند: پێشتر کۆمیسیۆنی مافی مرۆڤ دانی بە هەڵکشانی ڕێژەی کاری منداڵان لە عێراقدا ناوە دوای ئەوەی لەخوێندن دابڕاون.