دانیشتووانی هەولێر لە پچڕانی نەخوازراوی كارەبا ئاگادار دەكرێنەوە

ئاڤا نیوز

 

لە ڕاگەیێنراوێكدا وەزارەتی كارەبای حكومەتی هەرێمی كوردستان دانیشتووانی سنووری ناو بازنەی 120 مەتریی هەولێر لە پچڕانی نەخوازراوی كارەبا ئاگادار دەكاتەوە.

 

چیرۆكی سەرەكی: وەزارەتی كارەبای حكومەتی هەرێمی كوردستان تاقیكردنەوەیەكی تەكنیكی دەكات بۆ زانین و دیاركردنی کێشە و خاڵە لاوازەکانی تۆڕەکانی گواستنەوە و دابەشکردنی کارەبا لە سنووری هەولێر.

 

ڕاگەیێنراوی فەرمی: وەزارەتی كارەبا ڕایگەیاند: 

- هەڵدەستین بە ئەنجامدانی تاقیکردنەوەی گوشاری سەر تۆڕی کارەبای نیشتمانی لە سنووری ناو بازنەی 120 مەتریی پارێزگای هەولێر.

- ئەم تاقیکردنەوەیە ڕێکارێکی ڕۆتینیە کە بۆ تۆڕی کارەبا ئەنجام دەدرێت لەلایەن وەزارەتی کارەبای حکومەتی هەرێمی کوردستان کە ئامانج لێی دیاریکردنی کێشە و خاڵە لاوازەکانی تۆڕەکانی گواستنەوە و دابەشکردنی کارەبایە.

- ئاگاداری هاووڵاتیان دەكەینەوە لە ئەگەری پچڕانی نەخوازراوی کارەبا لە کاتی ئەنجامدانی تاقیکردنەوەکە.