تەنیا لە 24 کاتژمێری ڕابردوودا لە سووریا 240 کەس کوژراون

ئاڤا نیوز

بە گوێرەی ڕوانگەی سووری بۆ مافەکانی مرۆڤ بەهۆی ئەو ئاڵۆزییەکانی سووریا و پێکدادانی نێوان پاشماوەکانی ڕژێمی پێشووی سووریا و هێزەکانی سەر بە وەزارەتی بەرگریی و ناوخۆی سووریا، تەنیا لە ماوەی 24 کاتژمێری ڕابردوو، 240 کەس کوژراون.

 

وێنە گەورەکە: ماوەی سێ ڕۆژە شەڕ و پێکدادانەکان لە نێوان سوپای سووریای نوێ و پاشماوەی چەکدارانی سەر بە بەشار ئەسەد لە لازقییە بەردەوامە و تاوەکو ئێستا بە هۆیەوە بە دەیان کەس کوژران. ڕوانگەی سووری بۆ مافەکانی مرۆڤیش ئامارەکانی شەڕی ڕۆژی 7ی ئازاری بڵاوکردەوە.

 

ژمارەکان وادەڵێن: بەگوێرەی ئامارەکانی ڕوانگەی سووری، 155 هاووڵاتی لە ناوچە جیاوازەکانی پارێزگای لازقییە لەسەر دەستی ئەندامانی وەزارەتی بەرگری و ئاسایشی ناوخۆ بە شێوەی مەیدانی گوللـەباران کراون.

- 7 هاووڵاتی لەهەردوو ناوچەی دویر و بەیت عانا سەر بە پارێزگای لازقییە.
- 24 هاووڵاتی لە گوندی شیر سەر بە پارێزگای لازقییە.
- 38 هاووڵاتی لە گوندی موختارییە سەر بە پارێزگای لازقییە.
- 7 هاووڵاتی لە شاری حەفە لە پارێزگای لازقییە.
- 2 گەنج لە ناوچەی یەحمور لە تەرتووس.
- شێخ شەعبان مەنسوور و کوڕەکەی لە ناوچەی سەلحەب لە حەما.
- 22 هاووڵاتی لە گوندی قەرقەس سەر بە پارێزگای لازقییە.
- 60 کەس، لەنێویاندا 10 ژن و 5 منداڵ لە شاری بانیاس.

 

لەلایەکی دیکەوە: لە ئەنجامی پێدادانی نێوان ئەندامی ئیدارەی ئاسایشی گشتی و وەزارەتی بەرگری لەگەڵ پاشماوەکانی ڕژێمی پێشووی سووریا 78 چەکدار لە هەردوولا لە دەورووبەری جەبلە و لازقییە کوژراون:

- 34 ئەندامی ئیدارەی ئاسایشی گشتی و وەزارەتی بەرگری.
- 42 چەکدار لە پاشماوەکانی ڕژێمی پێشوو.