زێلێنسکی سەردانی سعوودیە دەکات

ئاڤا نیوز

 

لەدوای کۆبوونەوەی شاندێکی ئەمریکا و ڕووسیا، سەرۆکی ئۆکراینا سەردانی ڕیازی پایتەختی سعوودیە دەکات و لەگەڵ محەممەد بن سەلمان، شازادەی جێنشین کۆدەبێتەوە. 

وێنە گەورەکە: ئەمریکا لە هەوڵی نێوەندگیریدا لەنێوان ڕووسیا و ئۆکراینا بەمەبەستی کۆتاییهێنان بە جەنگی نێوان ئەو دوو وڵاتە، بڕیارە لەماوەی داهاتوو کۆبوونەوەی لووتکە لە نێوان ڤلادیمێر پووتین، سەرۆکی ڕووسیا و دۆناڵد ترەمپ، سەرۆکی ئەمریکا لە سعوودیە بەڕێوەبچێت.

 

زانیاریی زیاتر: بڕیارە ڕۆژی دووشەممە، 10-3-2025، ڤۆلۆدیمیر زێلێنسکی، سەرۆکی ئۆکراینا، سەردانی ڕیازی پایتەختی سعوودیە بکات و لەگەڵ محەممەد بن سەلمان، شازادەی جێنشینی ئەو وڵاتە و دواتریش لەگەڵ شاندێکی ئەمریکی کۆ ببێتەوە.

 

زانیاریی بەدەستهاتوو: چاوەڕێ دەکرێت ڕۆژی 11-3-2025 کۆبوونەوەیەک لە نێوان شاندێکی ئەمریکی، بە سەرۆکایەتیی ستڤ ویتکۆف، نێردەی سەرۆکی ئەمریکی بۆ ڕۆژهەڵاتی ناوەڕاست و شاندێکی ئۆکراینی بەڕێوە بچێت. چاوەڕێ دەکرێت زێلێنسکی و ویتکۆف گفتوگۆ لەسەر چوارچێوەیەک بۆ ڕێککەوتننامەیەکی ئاشتی دابڕێژن.

 

باکگراوند: سعودییە لە ماوەی ڕابردوودا ڕۆڵی نێوەندگیری لە نێوان وڵاتاندا گێڕاوە و کۆبوونەوەی شاندەکانی ئەمریکا و ڕووسیاش هەر لە ڕیاز بەڕێوەچوو.