فەرەنسا داوای سزادانی بەرپرسانی سووریا دەکات

ئاڤا نیوز

 

وەزیری دەرەوەی فەرەنسا لەگەڵ هاوتا سورییەکەی باسی توندوتیژییەکانی ئەم دواییەی سووریایان کردووە و پێی ڕاگەیاندووە کە پاریس چاوی لە سزادانی ئەو کەسانەیە کە بەرپرسیارن.

 

لێدوانی فەرمی: ژان نۆئێل بارۆت، وەزیری دەرەوەی فەرەنسا لەگەڵ ئەسعەد شەیبانی، هاوتا سوورییەکەی پەیوەندییەکی تەلەفۆنیان ئەنجامدا و ڕایگەیاند، پاریس چاوی لە سزادانی ئەو کەسانەیە کە بەرپرسیارن لەم کردەوانە. 

 

کاریگەریی و لێکەوتەکان:  ئەحمەد شەرع، سەرۆککۆماری سووریا بۆ قۆناغی ڕاگوزەر دوێنێ لە لێدوانێکدا ڕایگەیاند، وڵاتەکە لەم دواییانەدا ڕووبەڕووی چەند هەوڵێک بووەتەوە و مەبەستیش لێی تێکدانی سەقامگیرییە. 

 

باکگراوند: لە ڕۆژی پێنجشەممەی ڕابردووەوە  6-3-2025، گرووپە چەکدارەکانی عەلەوییەکان هێرشیان کردە سەر دامەزراوە ئەمنییەکانی سووریا و تا ئێستا شەر بەردەوامە بەهۆیەوە هەزاران کەس کوژراون و برینداربوون.