سوپای پاسداران ڕێگری لە ڕێوڕەسمەکانی نەورۆز دەکات

ئاڤا نیوز

سەرەڕای بەربەستەکان لەلایەن سوپای پاسداران و دەزگا ئەمنییەکانی ئێرانەوە، هاونیشتمانیانی ڕۆژهەڵاتی کوردستان لە ماڵەکانیان دەڕۆنەوە دەرەوە بەشداری ئاهەنگەکانی نەورۆز دەکەن.

چیرۆکی سەرەکی: لە ڕۆژهەڵاتی کوردستان ئاهەنگەکانی نەورۆز دەستیپێکردووە و هاونیشتمانیان بە کۆمەڵ ڕوو دەکەنە دەرەوەی شارەکان، ئاهەنگ ساز دەکەن و شایی و هەڵپەڕکێ دەکەن، هاوکات هێزەکانی سەر بە ئێران ڕێگری لە هاووڵاتیان دەکەن و گوشاریش دەخەنە سەر چالاکوانە کولتوورییەکان تاوەکو ئاهەنگەکانی نەورۆز ساز نەکرێن.

ڕاگەیێنراوی فەرمی: ڕێکخراوی هەنگاو بۆ مافەکانی مرۆڤ ڕایگەیاند: ئەمڕۆ هەینی 2025-03-14، سوپای پاسداران و هێزە ئەمنییەکانی ئێران، ڕێگاکانی چوونەژوورەوە و ڕۆشتنە دەرەوەی شاری شنۆیان گەمارۆداوە.

هێزەکان بە چەکی نیمچەقورس لە شەقامەکانی ئەو شارە بڵاوەیان پێوەکراوە و مەبەستیان ڕێگریکردنە لە بەڕێوەچوونی ڕێوڕەسمەکانی تایبەت بە نەورۆز.