دوای 50 ساڵ دروزییەکانی سووریا سەردانی ئیسرائیل دەکەن

ئاڤا نیوز

دروزییەکانی سووریا دوای دەیان ساڵ لە دابڕانیان لە کەسوکاریان لە ئیسرائیل، دەیان کەسایەتیی ئایینی ئەو پێکهاتەیە سەردانی ئیسرائیلیان کرد.

وێنە گەورەکە: ڕۆژی 14-3-2025، شاندێکی ئایینی دروزییەکان کە پێکهاتبوو لە 100 کەسایەتیی ئایینی سەردانی ئیسرائیلیان کرد  بەمەبەستی کۆبوونەوەیان لەسەر گۆڕی پێغەمبەر شوعەیب کە شوێنێکی پیرۆزی ئەو پێکهاتەیە.

زانیاریی بەدەستهاتوو:  بەپێی چەند سەرچاوەیەکی سووریا، ئیسرائیل هەوڵ دەدات دروزییەکانی سووریا لە بەرژەوەندی خۆیدا بەکاربهێنێت پاراستنی ئەو پێکهاتەی کردووەتە بیانوویەک بۆ مانەوەی لە سنوورەکانی سووریا.

بە تەنیشت ئەم بابەتەوە: ڕۆژی هەینیی ئیسرائیل کاتز، وەزیری بەرگری ئیسرائیل ڕایگەیاند: هاوکاری دارایی و مرۆییان بۆ دروزییەکان دابین کردووە و ڕووبەڕووی هەموو هەڕەشەیەک بۆ سەر ئەو پێکهاتەیە دەبنەوە.

قووڵتر: وەک ڕاگەیێنرا ئەحمەد شەرع، سەرۆکی سووریا بۆ قۆناغی ڕاگوێزەر رێککەوتنێکی لەگەڵ دروزییەکان ئیمزاکرد، بەپێی رێککەوتنەکە ئەو چەکدارانەی کە سەر بە دروزییەکان بوون لە پارێزگای سوەیدا دەبنە بەشێک لە وەزارەتی ناوخۆی سووریا.