کوێت تەمەنی هاوسەرگیری بەرز دەکاتەوە

ئاڤا نیوز

 

حکومەتی کوێت یاسای باری کەسی هەموارکردەوە و بەهۆیەوە تەمەنی هاوسەرگیری لە وڵاتەکەدا لە 15 ساڵییەوە بۆ 18 ساڵ بەرزکرایەوە. 

زانیاریی بەدەستهاتوو: حکومەتی کوێت ماددەی 26ی یاسایی باری کەسی هەموارکردووە، تەمەنی هاوسەرگیری لە 15 ساڵییەوە بەرز کراوە بۆ 18 ساڵی، لەمەوداو ڕێگە بە گرێبەستی هاوسەرگیری بۆ ئەو ژن و مێردانە نادرێت کە تەمەنیان لە 18 ساڵ کەمتر بێت.

زانیاریی زیاتر: پێشتر وەزیری دادی کوەیت ڕایگەیاندبوو، 30%ی هاوسەرگیرییە کەم تەمەنەکان لە کوێت کەسانی بیانین.

بەتەنیشت ئەم بابەتەوە: بە پێچەوانەی کوێت لە سەرەتای ئەمساڵ، پەرلەمانی عێراق یاسایی باری کەسیی هەموارکردەوە، بەو پێیەش تەمەنی هاوسەرگیری گۆڕانکاریی بەسەردا دێت و هاوسەرگیری لە تەمەنێكی کەمتر لە 15 ساڵی ڕێگە پێدراو دەبێت.