بۆ یەکەمجار و دوای ئاگربەست حیزبوڵڵا مووشەکی ئاراستەی ئیسرائیل کرد

ئاڤا نیوز

 

بۆ یەکەمجار دوای ڕاگەیاندنی ئاگربەست، حیزبووڵڵای لوبنان ژمارەیەک مووشەکی ئاراستەی ئیسرائیل کرد.

 

لێدوانی فەرمی: نەواف سەلام، سەرۆکوەزیرانی لوبنان هۆشداری داوە لە مەترسی ڕاکێشانی وڵاتەکەی بۆ ناو جەنگێکی نوێ لەگەڵ ئیسرائیل و داوای لە وەزیری بەرگریی کردووە  ڕێوشوێنی ئەمنی و سەربازیی پێویست بگرێتەبەر، سەرۆک ئەرکانی ئیسرائیلیش ڕایگەیاندووە، وەڵامییان دەبێت لەبەرامبەر ئاراستەکردنی مووشەکەکان لە لوبنانەوە.

 

ئەوەی پێویستە بیزانیت: ئەمڕۆ شەممە، حیزبووڵڵای لوبنان سێ مووشەکی لە باشووری لوبنانەوە بەرەو ئیسرائیل هاویشتووە و ئیسرائیل کاتز، وەزیری بەرگریی ئیسرائیل هۆشداریی دا کە سوپای ئیسرائیل بەرپەرچی مووشەکەکان دەداتەوە.

 

لەلایەکی دیکە: ئیسرائیل کاتز، وەزیری بەرگریی ئیسرائیل ڕایگەیاند، “حکومەتی لوبنان بەرپرسیارە لە هێرشەکان لە خاکەکەیەوە، فەرمانم بە سوپای ئیسرائیل کردووە وەڵامی هێرشەکان بدەنەوە”.