پەیامی سەرۆکوەزیران مەسرور بارزانی لە ساڵیادی جێنۆسایدی کوردی فەیلی

ئاڤا نیوز

 

سەرۆكوەزیران مەسرور بارزانی، لە ساڵیادی جینۆسایدی كوردی فەیلی پەیامێكی بڵاوكردەوە و داوا دەكات هەرچی زووە حكومەتی عێراق  ئەرک و بەرپرسیارییەتی یاسایی و دەستووری خۆی جێبەجێ بكات و كەسوكاری قوربانیان قەرەبوو بكاتەوە.

 

وێنە گەورەكە: 45 ساڵ پێش ئێستا ڕژێمی پێشووی عێراق، بە هۆی كوردبوونیان سەدان هەزار كوردی فەیلی لە عێراق دەركرد و هەزارانی دیكەیشی بێسەروشوێن كرد و دەستیشی بەسەر ماڵ و سامانیاندا گرت.

 

بڵاوكراوەی فەرمی: سەرۆكوەزیران مەسرور بارزانی لە پەیامەكەیدا ڕایگەیاند: ئەمڕۆ یادی تاوانێکی هۆڤانە، بەرامبەر بەشێکی گرنگی گەلەکەمان دەکەینەوە، کە شاڵاوەکانی جێنۆسایدکردنی کوردی فەیلییە و ڕژێمە یەک لە دوای یەکەکانی عێراق، بە چەندین قۆناخ ئەنجامیان دا و لە ساڵی 1980 گەیشتە لوتکەی دڕندەیی، كاتێک ڕژێمی پێشووی عێراق، لە پاکتاوێکی نەژادیدا و بەهۆی کوربوونیان، سەدان هەزار کوردی فەیلی لە عێراق دەرکرد و هەزارانیشی بێسەروشوێن کرد و دەستی بەسەر موڵک و ماڵ و سامانەکانیاندا گرت و ناسنامەی لێسەندن.  

 

زانیاریی زیاتر: "لە (45)ـین ساڵیادی جێنۆسایدی کوردی فەیلی، دووپاتی دەکەینەوە کە پێویستە حکومەتی عێراق، ئەرک و بەرپرسیاریەتی یاسایی و دەستووری خۆی جێبەجێ بکات و بنەماڵە و کەسوکاری قوربانییانی جێنۆسایدی کوردی فەیلی و جێنۆساید و کۆمەڵکوژییەکانی دیکە، بەشێوەیەکی شایستە، قەرەبوو بکاتەوە و موڵک و ماڵە زەوتکراوەکانیان بۆ بگەڕێنێتەوە".