بەرپرسێکی ڕووسیا: هەفتەی داهاتوو دیدارێک لە نێوان ڕووسیا و واشنتن ئەنجام دەدرێت

 

ئاڤا نیوز

بەرپرسێکی ڕووسیا ئاشکرا دەکات، هەفتەی داهاتوو دیدارێک لەنێوان شاندی ڕووسیا و ئەمریکادا ئەنجام دەدرێت.

چیرۆکی سەرەکی: بەنێوەندگیری ئەمریکا، دانووستانەکانی ئاشتی نێوان ڕووسیا و ئۆکراینا لە سعوودییە بەڕێوەچوو، ئۆکراینا بە پێشنیازی ئەمریکا بۆ ئاگربەستی 30 ڕۆژە ڕازیبوو، بەڵام کرێملن ئەو پێشنیازەی ڕەتکردەوە بە مەرج ڕازیبووە، هەردوولا لەسەر ئاگربەستی بەشەکی ڕێکەوتوون بەڵام بەفەرمی نەچووەتە بواری جێبەجێکردنەوە.

زانیاریی بەدەستهاتوو: کریل دیمیتریڤ، نوێنەری کرێملن بۆ کاروباری ئابووری، کە بەشدارە لە دانوستانەکانی ڕێککەوتنی ئاشتی نێوان ڕووسیا و ئۆکراینا، دەڵێت، هەفتەی داهاتوو دەکرێت شاندی ڕووسیا و ئەمریکا دووبارە کۆببنەوە.

ئەوەی لەبارەیەوە دەگوترێت: گفتۆگۆی باش و ئەرێنی لەبارەی پەیوەندییەکانی نێوان واشنتن و مۆسکۆدا هەیە، ئەمەش بەگوێرەی قسەی بەرپرسانی ڕووسیا.