وەزارەتی شەهیدان و ئەنفالكراوان: پێویستە چیتر پرسی قەرەبووكردنەوەی كەسوكاری قوربانییان دوانەخرێت

ئاڤا نیوز

 

وەزارەتی کاروباری شەهیدان و ئەنفالکراوان داوا لە حکومەتی فیدڕاڵی دەکات چیتر پرسی قەرەبووکردنەوەی زیانلێکەوتووانی دەستی ڕژێمی پێشوو دوانەخات و بە ئەرکی یاسایی و دەستووری خۆی هەڵبستێت.

 

وێنە گەورەکە: لە 37ـەمین ساڵیادی پرۆسەی ئەنفال، وەزارەتی کاروباری شەهیدان و ئەنفالکراوانی هەرێمی کوردستان بەیاننامەیەکی بڵاوکردەوە و جەختی لە زیاتر ناساندنی ئەو کۆمەڵکوژییانە کردەوە لە ناوەندە هەرێمی و نێودەوڵەتییەکاندا کە دەرهەق بە خەڵکی کوردستان کراوە.

 

ڕاگەیێنراوی فەرمی: وەزارەتی کاروباری شەهیدان و ئەنفالکراوان ڕایدەگەیەنێت، وەک ئەرکی سەرەکیی خۆی، بەردەوامە لە بەجینۆساید ناساندین ئەو کۆمەڵکوژییانەی کە دەرهەق بە گەل و خاک و ژینگەی کوردستان کراوە، لەپێناو ئەوەی ئەو تاوانانە لە ناوەندە هەرێمی و نێودەوڵەتییەکان زیاتر بناسێندرێت.

- وەزارەتەکە داوا لە حکومەتی فیدڕاڵی دەکات بەپێی ماددەی 132ـی دەستووری هەمیشەیی عێراق، بە ئەرکە یاسایی و دەستوورییەکانی خۆی هەستێت و قەرەبووی زیانلێکەوتووانی شاڵاوەکانی ئەنفال بکاتەوە، گەرەنتی ئەوەش بدات کە ئەمجۆرە تاوانانە هەرگیز لە عێراق دووبارە نابنەوە.