پێنتاگۆن: ژمارەی هێزەکانمان لە سووریا کەمدەکەینەوە

 

ئاڤا نیوز

پێنتاگۆن ڕایگەیاند، لە شکستپهێنانی داعش سەرکەوتوو بوون و بە فەرمانی وەزیری بەرگری ئەمریکا لە چەند مانگی داهاتوودا ژمارەی هێزەکانیان لە سووریا کەمدەکەنەوە.

وێنە گەورەکە: ئەمریکا پلانی کشانەوەی هێزەکانی لە سووریا دەستپێکردووە، و چاوەڕواندەکرێت قۆناغی یەکەم 60 ڕۆژ بخایەنێت.

لێدوانی فەرمی: شۆن پارنێڵ وتەبێژی وەزارەتی بەرگری ئەمریکا (پێنتاگۆن) ڕایگەیاند، بەهۆی کەمبوونەوەی مەترسییەکانی داعش لەسەر ئاستی جیهان و ناوچەکە، لە چەند مانگی داهاتوودا ژمارەی هێزەکانمان لە سووریا بۆ کەمتر لە هەزار سەرباز کەمدەکەینەوە.

٠ لە ماوەی 10 ساڵی ڕابردوودا، هاوپەیمانی نێودەوڵەتی بۆ شکستپێهێنانی داعش دەستکەوتی گەورەی بەدەستهێناوە.

٠ بەگوێرەی دیدگای دۆناڵد ترەمپ بۆ چەسپاندنی ئاشتی لە ناوچەکە لە ڕێگەی هێزەوە، فەرماندەی ناوەندی هێزەکانی ئەمریکا بەردەوام دەبێت لە هەماهەنگیکردن لەگەڵ هاوپەیمانەکانمان لە ناوچەکە بۆ ڕێگریکردن لە سەرهەڵدانەوەی داعش.