زیاتر لە 25٪ هاووڵاتیانی تورکیا لە منداڵ پێکهاتوون

ئاڤا نیوز

 

بەگوێرەی سەرژمێریی نوێی دامەزراوەی ئاماری تورکیا، ڕێژەی منداڵ تەنیا لە ساڵی 2024 زیاتر لە 25.5٪ دانیشتوانی تورکیا پێکدەهێنێت.

 

بۆچی گرنگە: کۆماری تورکیا زۆر گرنگی بە زیادبوونی ڕێژەی منداڵ دەدات، هەر لەو چواچێوەیەشدا لەگەڵ ساڵی نوێ "پرۆژەی خزمەتکردنی خێزان" لەلایەن ڕەجەب تەیب ئەردۆغان، سەرۆککۆماری تورکیا کرایەوە کە هاوکاری دارایی پێشکەش بەو خێزانانە دەکات کە منداڵی دووەم و سێیەم دروست دەکەن.

 

ژمارەکان وادەڵێن: بەگوێرەی ئەنجامەکانی تۆماری ڕەگەزنامە، تەنیا لە ساڵی 2024 دا، لە کۆیی 85 ملیۆن و 664 هەزار و944 کەس، 21 ملیۆن و 817هەزار و 61 یان منداڵن.
- بەمشێوەیە ڕەگەزەکانیان دابەش بوون،  51.3٪ نێرن و 48.7٪ مێینەن. 

 

زانیاریی زیاتر: بەگوێرەی ئاماری نەتەوە یەکگرتووەکان تایبەت بە دانیشتوانی تورکیا، لە ساڵی 1970 منداڵانی تەمەن 0 بۆ 17 ساڵ، 48.5% کۆی دانیشتووانی پێکهێنابوو، ئەم ڕێژەیە لە ساڵی 1990 گۆڕانکاری بەسەردا هات و دابەزیوە بۆ 41.8%، هەروەها لە ساڵی 2024دا ڕێژەکە زیاتر دابەزیوە بۆ 25.5%.

 

ئەوەی پێشبینی دەکرێت: بەگوێرەی ئامارە جیهانییەکان ڕێژەی منداڵان لە جیهاندا تا ساڵی 2080 زیاتر دابەزێت و بگاتە 15.2٪ دانیشتوانی تەواوی جیهان.