"خواست لەسەر کڕینی زێڕ زیاتر دەبێت"

ئاڤا نیوز

 

نرخی زێڕ ڕۆژانە لە بەرزبوونەوەدایە، وتەبێژی زەڕەنگەرانی هەولێریش لەوبارەیەوە دەڵێت: 'تەنیا لەم مانگەدا 100 هەزار دینار نرخەکەی زیادبووە'.

 

وێنە گەورەکە: بەهۆی نادڵنیایی و هەڵاوسانی جیهانییەوە خواست لەسەر کڕینی زێر تادێت زیاتر دەبێت، ڕۆژ بە ڕۆژیش نرخەکەی ڕوو لە هەڵکشانە. 

 

لێدوانی فەرمی: وریا مەلا یاسین، وتەبێژی زەڕەنگەرانی هەولێر، بە ئاڤا میدیای ڕاگەیاند: ساڵی 2024 نرخی یەک مسقاڵ زێڕی عەیار 21 بە 480 هەزار دینار بوو، ئێستا بە 695 هەزار دینارە، واتە لە ماوەی یەک ساڵدا 215 هەزار دینار نرخەکە زیادی کردووە.

 

زانیاریی زیاتر: وتەبێژی زەڕەنگەرانی هەولێر دەڵێت: تەنیا لە مانگی نیساندا نرخی زێڕ 100 هەزار دینار زیادبووە، تا نرخی زێڕ زیاتر بەرزبێتەوە خواستیش زیاتر دەبێت، ئێستا خەڵکی کەمتر زێڕ دەفرۆشن، زیاتر زێڕەکانیان دەگۆڕن یان دەیکڕن.

 

- چاوەڕوان دەکرێت تاوەکو کۆتایی ساڵی 2025 نرخی یەک مسقاڵ زێڕی عەیار 21 بگاتە 850 هەزار دینار.

نرخی زێڕ لە بازاڕەکانی هەرێمی کوردستان ئێستا بەم جۆرەیە:-

-یەک مسقاڵ زێڕێ عەیار 18 بە 595 هەزار دینارە.
-یەک مسقاڵ زێڕێ عەیار 21 بە 695 هەزار دینارە.
-یەک مسقاڵ زێڕی عەیار 24 بە 795 هەزار دینارە.
-یەک ئونسە زێڕ بە سێ هەزار و 330 دۆلارە.