مووچەی مامۆستایانی گرێبەست دەخرێتە سەر هەژماری من

ئاڤا نیوز

مووچەی بەشێک لە فەرمانبەرانی گرێبەستی فەرمانگەکان خراوەتە سەر پرۆژەی هەژماری من، ئێستا کار بۆ بەبانکیکردنی مووچەی مامۆستایانی گرێبەست دەکرێت.

زانیاریی تایبەت: بەگوێرەی ئەو زانیارییانەی دەست ئاڤا کەوتووە، ناو و زانیاریی بەشێکی زۆر لە مامۆستایانی گرێبەست بۆ بانکەکان ڕەوانەکراوە، بۆ ئەوەی کاری پێویستیان بۆ بکرێت و بخرێنە سەر هەژماری من.

هەر بەپێی زانیارییەکانی ئاڤا، بۆ مووچەی مانگی پێنج و شەش بەشێکی زۆر لە مامۆستایانی گرێبەست دەتوانن لە ڕێی ATMـەکانەوە مووچەکانیان لە پرۆژەی هەژماری من وەربگرن.

لێدوانی فەرمی: عەلی ڕەئووف، نوێنەری مامۆستایانی گرێبەست، بە ئاڤا میدیای ڕاگەیاند: گرنگترین شت بۆ ئێمەی مامۆستایانی گرێبەست وەرگرتنی مووچەکانمانە لە کاتی خۆیدا و بەبێ گرفت، هەروەها داوا دەکەین بۆ ساڵی نوێ گرێبەستەکانمان بەهەمیشەیی بکرێت.

ئەوەی پێویستە بیزانیت: 37 هەزار و 933 مامۆستای گرێبەست لە هەرێمی کوردستان هەن.

نووسراوی فەرمی پەروەردەی هەولێر لەگەڵ فۆڕمی هەژماری من