ئیسرائیل ڕووبەڕووی تۆمەتەکانی دادگا دەبێتەوە

ئاڤا نیوز

 

ئیسرائیل ڕووبەڕووی تۆمەتی پێشلکردنی یاسا نێودەوڵەتییەکان دەبێتەوە، بە هۆکاری ڕێگە نەدان بە چوونەژوورەوەی هاوکارییە مرۆییەکان بۆ ناو غەززە.

 

چی ڕوودەدات: لە 2-3-2025 ئیسرائیل ڕێگری لە چوونەژوورەوەی هاوکارییە مرۆییەکان و پێداویستییە سەرەتاییەکانی بۆ ناو غەززە کردەوە، بەهۆی ئەمەشەوە زیاتر لە 40 دەوڵەت بانگەشەی ئەوە دەکەن کە ئەم جۆرە قەدەغەکردنە پێشێلکردنی یاسا و ڕێسا نێودەوڵەتییەکانە و لە دادگا دژ بەم کردەوەی ئیسرائیل دەوەستن، هەر وڵاتێکیش بەشێوازێک بیروبووچوونەکانی خۆیان دەخەنەڕوو.

 

کاریگەری و لێکەوتەکان: ئیسرائیل ڕایگەیاندووە کە ڕێگە بە چوونە ژوورەوەی کەلوپەل و پێداویستییەکان نادات بۆ ناو غەززە تا ئەو کاتەی حەماس هەموو بارمتەکان ئازاد نەکات.

ئەوەی لەبارەیەوە دەگوترێت: تاکە وڵات کە ئەگەری هەیە لە دادگادا بەرگری لە ئیسرائیل بکات، ئەمریکا و هەنگاریان.

لەلایەکی دیکەوە: دۆناڵد ترەمپ، سەرۆکی ئەمریکا لەسەر هەمان پرس بە بنیامین نەتانیاهۆ، سەرۆکوەزیرانی ئیسرائیل ڕایگەیاندووە کە پێویستە ئەو گەمارۆیە هەڵبگرێت و ڕێگە بە چوونەژوورەوەی هاوکارییەکان بدات.

ئەمەش بزانە: دوای پێشکەشکردنی بیڕوڕاکانی هەموو وڵاتان، دادگای لاها دواین بڕیاری خۆی لەسەر ئەم پرسە ڕادەگەینێت.