پەرلەمانتارێکی دەم پارتی بۆ ئاڤا: تا سبەی شەو ناوەڕۆکی کۆنگرەی پەکەکە بڵاودەکرێتەوە

ئاڤا نیوز

دوای بەستنی کۆنگرەی دوانزەمی، پەکەکە تا ئێستا ناوەڕۆکی کۆنگرەکەی بۆ ڕای گشتی بڵاوە نەکردۆتەوە، پەرلەمانتارێکی دەم پارتیش دەڵێت، ئەمڕۆ یان سبەی پەکەکە ناوەڕۆکی کۆنگرەکەی بڵاودەکاتەوە.

وێنە گەورەکە: دوای نزیکەی نیو سەدە شەڕ و ململانێ لەگەڵ تورکیا، لەسەر داوای عەبدولڵا ئۆجەلان، پەکەکە ڕایگەیاند کە لە 5 تا 7ـی ئایار کۆنگرەی بەستووە، بەلام تا ئێستا ناوەڕۆکی کۆنگرەکە بڵاو نەکراوەتەوە.

لێدوانی تایبەت: محەممەد کەماچ، پەرلەمانتاری دەم پارتی بە ئاڤا میدیای  گوت: کۆنگرەکە کراوە، بەهیچ شێوەیەک دووبارە ناکرێتەوە وەک ئەوەی بەشێک لە میدیاکان بڵاویان کردۆتەوە، بڕیارەکانیش بە تەواوی یەکلایی کراوەتەوە، ئەمڕۆ یان سبەی بڕیارەکانی ناو کۆنگرەکە بڵاو دەکرێتەوە و هەتا ئەگەر ئەمڕۆ بڵاوی بکەنەوە هیچ سەرم سوڕنامێنێ.

زانیاریی زیاتر: کەماچ ئەوەشی ئاشکراکرد، ئۆجەلان لەنزیکەوە سەرپەرشتی کۆنگرەکەی کردووە و ئەو ئاگادرای هەموو هەنگاوێکی بەڕێوەچوونی ئەم پڕۆسەیەیە.