ئەنجوومەنی وەزیران کۆدەبێتەوە و ئاڤا ناوەڕۆکەکەی ئاشکرا دەکات

شەیری بکە لە:
ئەنجوومەنی وەزیران کۆدەبێتەوە و ئاڤا ناوەڕۆکەکەی ئاشکرا دەکات

دیمەنی کۆبوونەوەی ئەنجوومەنی وەزیران (وێنەی ئەرشیڤ)

ئاڤا نیوز

بڕیارە سبەینێ ئەنجوومەنی وەزیرانی هەرێمی کوردستان کۆببێتەوە و گفتوگۆ لەبارەی دوو بابەت بکات. ئاڤا زانیویەتی کۆبوونەوەکە لەبارەی نرخی کارەبای 24 کاژمێری و
هەماهەنگیی نێوان هەولێر و بەغدا دەبێت.

زانیاریی بەدەستهاتوو: بەپێی زانیارییەکانی ئاڤا لە کۆبوونەوەکەی ئەنجوومەنی وەزیران گفتوگۆ لەسەر دوو بابەت دەکرێت:

یەکەم: گفتوگۆ لەبارەی پڕۆژەی ڕووناکی بۆ کارەبای 24 کاتژمێری دەکرێت، لەبارەی دیاریکردنی نرخی کارەبا، بەڵام وەک ئاڤا زانیویەتی مەرج نییە نرخەکە یەکلایی بکەنەوە و بڕیاری لەسەر بدەن.

هەر لەبارەی کارەبا باس لە كەمكردنەوەی تێچووی بەكارهێنان و ڕێگری لە بەهەدەردان و هاوسەنگی لە دابەشكردن و پاراستنی ژینگە و تەندورستی گشتی دەكرێت، وەزیری كارەبا ڕاپۆرتێك لەمبارەیەوە دەخاتەڕوو.

دووەم: بڕگەی دووەمی كۆبوونەوەی ئەنجوومەنی وەزیران لەبارەی هەماهەنگی نێوان هەولێر و بەغدا دەبێ. وەزارەتەكان ڕادەسپێردرێن بۆ هەماهەنگی و  هاریكاریی دەستەی هاوبەشی وردبینیی هەردوو دیوانی چاودێریی دارایی هەرێمی كوردستان و حکومەتی عێراقی فیدراڵ كە ئێستا سەرقاڵی ئامادەكردنی ڕەشنووسی ڕاپۆرتی هاوبەشن لەسەر وردبینیی دارایی هەرێمی كوردستان لە 1ی1ی 2025 تاوەكوو 31ی 3ی ئەمساڵ لەبەر ڕۆشنایی یاسای بودجەی عێراق.

ئەمە لەلایەن سەرۆکی دیوانی ئەنجوومەنی وەزیران و سکرتێری ئەنجوومەنی وەزیران و سەرۆکی فەرمانگەی هەماهەنگی و بەدواداچوون دەخرێتەڕوو.

شەیری بکە لە:

دوایین هەواڵەکان

هەڵبژاردەکان بۆ تۆ