بە ئامادەبوونی سەرۆک بارزانی هەردوو یەكێتیی قوتابیان و لاوانی كوردستان یەك دەگرنەوە

ئاڤا نیوز

دوای ساڵانێك لە خزمەتكردن لە دوو چوارچێوەی جیاوازدا، ئەمڕۆ دوو دێرینترین ڕێكخراوی قوتابیان و لاوانی كوردستان دەچنە نێو یەك چوارچێوەوە و دەبن بە یەك.

زانیاریی پەیامنێر: كوردستان حەسەن، پەیامنێری دیبلۆماسیی ئاڤا میدیا ڕایگەیاند، كاتژمێر 10ـی سەرلەبەیانیی ئەمڕۆ پێنجشەممە 2025-05-15، بە ئامادەبوونی سەرۆك بارزانی و  مەسرور بارزانی، جێگری سەرۆكی پارتی دیموكراتی كوردستان، كۆنگرەی یەكگرتنەوەی هەردوو ڕێكخراوی یەكێتیی قوتابیانی كوردستان و یەكێتیی لاوانی دیموكراتی كوردستان دەستپێدەكات و یەك ڕۆژ دەخایێنێت.

قووڵتر: كۆنگرەكە ناوی كۆنگرەی یەكگرتنە و 260 ئەندام بەشدار دەبن، لە بەشی سەرەتای كۆنگرە پەیڕەو و پرۆگرام دەخوێندرێتەوە، سەرۆك بارزانیش گوتارێكی دەبێت و پاشنیوەڕۆ پرۆسەی هەڵبژاردن ئەنجام دەدرێت، بە دەنگی ئەندامانی كۆنگرە، پەیكەربەندیی ڕێكخراوە یەكگرتووەكە دادەڕێژرێت و سكرتێر و ئەندامانی سكرتارییەت هەڵدەبژێردرێن.

زانیاریی زیاتر: ڕێكخراوەكە هەشت ئەندامی سكرتاریییەتی دەبێت و مەرجە كە دووانیان ئافرەت بن.