سەرۆک بارزانی: کاتی ئەوە هاتووە بە زمانێکی زۆر ڕوون لەگەڵ بەغدا قسە بکەین

ئاڤا نیوز

سەرۆك بارزانی لە چوارچێوەی گوتارێکدا لە كۆنگرەی یەكگرتنی هەردوو ڕێكخراوی یەكێتی قوتابییان و یەكێتی لاوانی کوردستان، باسی کێشەکانی نێوان هەرێمی کوردستان و عێراقی کرد و ڕایگەیاند، کاتی ئەوە هاتووە بە زمانێکی زۆر ڕوون لەگەڵ بەغدا قسە بکەین.

چیرۆکی سەرەکی: ئەمڕۆ پێنجشەممە، 2025-05-15، کۆنگرەی یەکگرتنی یەکێتیی قوتابیان و یەکێتیی لاوانی کوردستان لە شاری هەولێر بەسەرپەرشتی سەرۆک بارزانی و بە ئامادەبوونی مەسرور بارزانی، جێگری سەرۆکی پارتی دیموکراتی کوردستان بەڕێوەچوو.

لێدوانی فەرمی: سەرۆک بارزانی لە کۆنگرەکە ڕایگەیاند:

پێموانییە بەبێ گەڕانەوە بۆ دەستوور دۆخی عێراق سەقامگیر بێت.

٠ ئەو مامەڵەیەی بە‌غدا لەبارەی مووچە لەگەڵ هەرێمی کوردستان دەیکات، ئیتر مایەی قبووڵ کردن نییە.

٠ دەستوور دەتوانێت دۆخی عێراق چارەسەر بكات.

٠ ئێمە پێمان خۆشە عێراق بگەڕێتەوە بۆ سەر بنەمای هاوبەشی و یەكسانی و ڕێككەوتن.

٠ ئەو مامەڵەیەی ئێستا لەگەڵ هەرێمی كوردستان دەكرێت فیدڕاڵی نییە.

٠ ئومێدەوارم هەموو لایەك بەخۆیاندا بچنەوە و بگەڕێینەوە بۆ دەستوور و سێ بنەماكە.

٠ لەمەودوا بەهیچ شێوەیەك ئەوەی سەبارەت بە مووچەی فەرمانبەران دەكرێت قبوڵكراو نییە.

٠ دەبێت عێراق قەرەبووی سەرجەم قوربانیدانی خەڵكی كوردستان بكاتەوە.